Gratë naftëtare në Ballsh kanë hyrë në ditën e 15 të grevës së urisë, dhe nuk do ndalen derisa të marrin pagat e prapambetura.
Kryeministri, Edi Rama gjatë fjalës së tij në parlament, tha se rafineria e Ballshit nuk është më e shtetit, ndaj si e tillë, u ka detyrim naftëtarëve vetëm asistencën sociale.
Rama u shpreh se me ultimatume kjo çështje nuk mund të zgjidhet.
Edi Rama: “Rafineria nuk është e shtetit sepse është privatizuar. Në mënyrë skandaloze, kuptohet. Dihet botërisht. Nga qeveria e partisë suaj, e ish partisë suaj (I drejtohet deputetëve të opozitës). Dhe qysh atëherë ajo nuk është më në durt e shtetit. Është në duart e privatit dhe punonjësit e një kompanie private, kur ajo falimenton, trajtohen me asistencë sociale nga shteti. Ky është detyrimi që ka shteti, asistencë sociale. Me presione, me ultimatume “këto janë pagat, paguaji” përndryshe ne nuk dalim nga greva, nuk funksionon. Është e pamundur’’.
