Kryeministri Edi Rama ka publikuar ‘Komunikimin Javor’ në Facebook, ku shfaqet në takim me kabinetin qeveritar. Rama tha se asnjëherë më parë qeveria nuk ka pasur skuadra si këto që janë krijuar, ndërsa i bëri apel ministrave dhe zv. ministrave që vizioni i tyre të udhëheqë skuadrën. Kryeministri tha se duhet të punojmë të gjithë që të çelim negociatat vitin e ardhshëm, por që të jemi gati për negociatat, që janë një proces tejet i ndërlikuar. Rama ia kushtoi mbledhjen plotësimit të kabinetit edhe me 33 zv/ ministrat e rinj duke mbajtur për herë të parë një fjalim para qeverisë drejtpërdrejt. Duhet të punojmë të gjithë që të çelim negociatat vitin e ardhshëm, por që të jemi gati për negociatat, që janë një proces tejet i ndërlikuar.
Rama: Asnjëherë nuk është bërë një proces si ky, për të mbledhur propozime dhe seleksionuar kandidatura për zv/ ministrat.
Asnjëherë nuk ka pasur skuadra, që shkuan përtej kufijve të vjetër partiak. Asnjëherë anëtarët e kabinetit nuk kanë pasur një rreth njerëzish si ekipet që do të kenë nga sot e tutje për 4 vite me radhë. Në përzgjedhje janë menduar rolet që mund të mbulojë çdo njëri nga zëvendësit. Ndarja ka rëndësi për të mbuluar fushën e përgjegjësisë, në themel fryma e skuadrës.
E njëjta gjë vlen për administratën, që duhet të njihet me vizion dhe strategjinë. Jemi në një proces ristrukturimi të thellë në funksion të vizion dhe qëllimeve të mëdha. Administrata ka njerëz të zotë, ata duhen motivuar dhe trajtuar me respekt. Duhet të punojmë të gjithë që të çelim negociatat vitin e ardhshëm, por që të jemi gati për negociatat, që janë një proces tejet i ndërlikuar.
Ministria për Europën do e udhëheqë këtë proces. Duhet të fillojmë betejën me krimin, vetting në radhët e policisë së shtetit. Do të vijojë lufta kundër informalitetit. Transparencë në sistemin e ndihmës ekonomike.
Tani kemi në dorë të tregojmë çfarë do të thotë infrastrukturë me standarde, sa mund të fitojë populli nga burime natyrore dhe sa më shumë duhet të bëhet për energjinë. MIE ka një barrë të madhe, por një skuadër në nivelin e sfidave, po ashtu edhe e Bujqësisë.
Drejtësia e re kërkon një ministri me vizion të ri dhe energji të reja, skuadra i ka atributet e duhura. Ministria duhet të mbështesë reformën, garante e cilësisë së ligjit. Ministria e Mbrojtjes duhet të garantojë vazhdimësinë në natyre organizative duke pasur parasysh që do të ketë Emergjencat Civile.
Truizmi duhet të çohet përpara. Skuadra e turizmit dhe mjedisit ka një sfidë të madhe, po ashtu edhe kultura, ku ministria të sjellë më shumë kontribut. Kjo skuadër është sot vetëm në letër e gatshme, por sfidat duhet të fitohen përditë në realitet.
Duhet frymë skuadre, vetëdije dhe . Na ishte njëherë skuadra ‘Galaktike’ por nuk fituan asnjë trofe, pasi nuk u bënë grup. Kundërshtarët tanë nuk janë të dobët por të egër dhe të rrezikshëm; papunësia… Kemi edhe një opozitë të dobët që ulëret dhe shan si frikacaku kur kalon pyllin natën, por ky është një rrezik në vete. Kemi vetëm dy aleatë, popullin dhe dëshirën tonë.
Forca të gjithëve, urime kolegëve të rinj dhe qofshim në lartësinë e privilegjit për t’i shërbyer vendit dhe popullit tonë. Për herë të parë dhe të fundit bëj një fjalim në sallën e qeverisë, gjë që ka qenë traditë më parë. Është sot, por nuk do të përsëritet njëherë tjetër. Nënvizon rëndësinë që ka ky moment.
