Kryeministri Edi Rama u tha sot mësuesve se ata punojnë dhe lodhen shumë më tepër se ai por paguhen shumë më pak. Deklarata e Ramës u bë një pritje me mësues nga e gjithë Shqipëria që zhvilloi qeveria në Pallatin e Kongreseve, me rastin e festave të fundvitit. Rama tha se vetëm ai e di se çfarë heq për drejtimin e qeverisë duke mbajtur në kontroll qeverinë por kjo s’ka të krahasuar me drejtimin e fëmijëve në klasa. Kryeministri Rama tha se mësuesit bënin shumë më tepër punë të lodhshme se ai por paguheshin padrejtësisht më pak se ai. Rama u bëri një premtim mësuesve duke u thënë se paga e tij nuk do të rritet ndërsa e tyrja do të rritet çdo ditë.
“Unë di se çfarë heq për të drejtuar qeverinë por as nuk krahasohet me vështirësinë tuaj për të menaxhuar fëmijët në një klasë. Dhe kjo behët akoma më e vështirë kur klasat janë të mbipopulluara. Unë lodhem më pak se ju por padrejtësisht paguhem shumë më tepër se ju. Por unë sot ju bëj një premtim. Paga ime nuk do të rritet ndërsa e juaja do rritet çdo vit ashtu si kemi bërë deri tani,” deklaroi Rama.
Gjithashtu Rama tha se mësuesia është në kategorinë e parë të profesioneve, por nevojiten profesionist për drejtimin e shkollave.
Ndërkohë kryeministri theksoi se qeveria ka një program për rritjen e mëtejshme të pagave të mësuesve ashtu si ka bërë deri më tani.
