Kryeministri Edi Rama po zhvillon një takim me banorët e Pukës, ku ka ironizuar kreun e PD-së.
Sipas Ramës, Bashës i ngeci sahati prej 4 vitesh, ndërsa zgjohet vetëm kur ka kamerat para.
Gjithashtu, Rama bëri thirrje që ta votojnë edhe demokratët, pasi theksoi së zgjedhjet nuk janë tifozllëk, por duhet vendosur për të mirën e tyre.
Më poshtë një pjesë e batutave të Ramës gjatë fjalës së tij:
Kur flet Luli, se tani e njoh dhe nuk është çun i keq, më kujtohet Sahati i Tironës. Sa e ke orën? 12 pa 5. A e imagjinoni 4 vjet kryetar bashkie nuk e ngrati një herë kokën me ndryshu sahatin. E tani thotë më bëni kryeministër që të ngecë prapë orën. Edhe thotë që Edi Rama tregon barcaleta, kjo nuk është barcaletë pse të bën me qesh.
Luli zgjohet vetëm kur ka kamerat para, ikën kamerat duhet me e tund se ndryshe e zë gjumi.
Kam një pyetje për demokratët, duan me shku në Tironë. Ke një makinë që e drejton një socialist dhe një karrocë që e drejton një demokrat. Tani ju do zgjidhni karrocën pse drejtuesi është shofer?
Kështu është edhe puna e Lulit.
Ne na ka ngatërru Saliu me Lulin, mirë do ishte ta kishte bërë më para po hajt mo.
A keni naj skuadër ju a jo? Tërbuni, unë s’jam me Tërbunin. Po të vijë Luli ktu, me Tërbunin thotë jam. Kur shko në zgjedhje nuk je në stadium, nuk është tifozllëk.
Njoni nga Lezha kur u përmbyt, ishte qull e m’doli: Ça do ti ktu, ik zhduku, shih si jam! Prapë Salën do votoj.
Ky është tifozllëk, a thu se Saliu ishte me Ronaldon dhe unë po i thoja bëhu me Messin, kurse zgjedhjet janë për atë që e bën punën më mirë.
Këta dy gishtat, duhet të votojnë numrin 2, socialistë edhe demokratë, edhe jemi të gjithë bashkë.
Ne nuk jemi armiqtë e tyre, ne nuk dum ndasi. I nxorëm nga çadra, duhet të na e dinë për nder. Përndryshe do na kishin dalë me rroba banjo për Republikën e Re./ Tirana Today
