Kryeministri Rama ka mbajtur takimin e radhës në qytetin e Pogradecit nga ku ai ka thumbuar LSI-në dhe PD-në, duke kërkuar nga qytetarët që mos ti votojnë ato për shumë arsye.
Rama është ka ironizuar PD-në, pasi sipas tij, demokratët e shikojnë Pogradecin si trashëgim të fronit mbretëror të Fahri Balliut.
Po ashtu ai, duket se i është kundërpërgjigjur ish-kreut të LSI-së me pretendimin se ky i fundit e kërkon pushtetin duke bërë shantazhe.
“Më 26 qershor pushtetin do e marrë populli përmes Partisë Socialiste.
Në shume vite partitë i kanë mësuar njerëzit të sillen si tifozë dhe ti ndjekin ato verbërisht .
I kanë mësuar ato ti nxjerrin sytë njëri-tjetrit.
Ndërkohë që shqiptaret kanë nevojë për shkolla të reja , për një sistem shëndetësie.
Nëse populli do të shkonte para kutive të votimit dhe do të merrte një vendim patriotik edhe ne do të bëjmë atë që ky vend do. Ne bënë në 44 muaj shume por më shumë mund të bënim.
Na jepni votën neve sepse na duhet kjo votë për punë dhe nuk e duam timonin siç e kërkojnë këta të tjerët timonin për të bërë shantazh.
Ndaj është momenti historik për të na dhënë fuqinë që sikurse kemi nisur transformimin nga zëmrat e qytetave të vazdhojmë deri në fshatrat më të largët, duke cuar rrugët, gjelbërimin, ujin, dhe turizmin.
Halli më i madh që ju ka gjetur ju, është se PD-ja e shikon Pogradecin si fronin mbretëror të Fahri Balliut”, tha Rama.
