Kreu i qeverisë Edi Rama, ka kërkuar falje për një postim që shpërndau dje në Twitter, ku thoshte se një kompani e Mohamed Alabar, e quajtur Eagle Hill, do të investojë në një projekt të quajtur Manhatani i Zagrebit.
Në kundërpërgjigje të këtij lajmi reagoi kreu i PD-së Sali Berisha, duke e cilësuar një mashtrim të radhës nga Edi Rama, për të justifikuar aferën e Portit të Durrësit, pasi projekti u rrëzua pas protestave të qytetarëve kroatë.
Ndonëse nuk jemi mësuar ta dëgjojmë nga kryeministri, ai kërkoi falje në Twitter.
“Postimi i djeshëm mbi “Manhatanin e Zagrebit” nuk reflekton të vërtetën e ecurisë së mëtejshme të projektit dhe kërkoj ndjesë për nxitimin! Një kontroll i thjeshtë do mjaftonte për të mos gabuar, por kush s’është gënjeshtar as bën sikur s’ka gjë as nuk justifikohet, po kërkon falje!”, shkruan Rama.
Postimi i djeshëm mbi “Manhatanin e Zagrebit”nuk reflekton të vërtetën e ecurisë së mëtejshme të projektit dhe kërkoj ndjesë për nxitimin!Një kontroll i thjeshtë do mjaftonte për të mos gabuar, por kush s’është gënjeshtar as bën sikur s’ka gjë as nuk justifikohet,po kërkon falje! pic.twitter.com/z4D9mIItOk
— Edi Rama (@ediramaal) November 18, 2022
