Kryeministri Rama ka vënë në dukje sot se falë presionit të ushtruar në administratë, rezultatet kanë qënë më pozitive. “Na vjen shumë mirë po ashtu, që në tërësinë e tyre, qytetarët shprehen të kënaqur me këtë ndërveprim. Por janë të gatshëm për të ardhur këtu dhe shprehur shqetësimin”, tha fillimisht Rama.
Një qytetar tregoi se ka gjetur zgjidhjen, pas adresimit të problemit në platformën e bashkëqeverisjes. “Unë kam ndërtuar një shtëpi në tokën private në 1997. Deklarimi është bërë dy herë në vitin 2000 dhe 2005. Tani s’kam ç’të them më tepër, sepse problemi është i qartë. Dua të falenderoj edhe stafin e platformës, të cilët janë tepër korrekt në përcjelljen dhe zgjidhjen e problemeve”, tha qytetari.
Rama deklaroi mes të tjerash se ka filluar të mbillet fara e vetëdijes në administratën shtetërore. Sipas Ramës, ku presion sjell përmirësim, pasi i jep qytetarit një fuqi tjetër.
“13 të humbura që të mori 10 ditë për tu kryer, por më vjen mirë të informojë publikun që na ndjek. Vihet re një rritje e rasteve të zgjidhur, dhe kjo lidhet me presionin e bashkëqeverisjes, por edhe me faktin se ka filluar të mbillet fara e vetëdijes. Ky presion sjell një përmirësim, sepse i jep qytetarit një fuqi tjetër”, përfundoi Rama.
