Kryeministri Rama ka përmendur fotot e tij nudo, të cilat bënë bujë në vend. Teksa kërkoi votën e të gjithë qytetarëve, demokratë apo socialistë, Rama tha se nuk e do pushtetin për vete, përndryshe Luli do ishte duke bërë banjo dielli para kryeministrisë, madje do thoshte “ka pasur të drejtë Rama” duke nënkuptuar fotot nudo:
“Po të donim pushtetin për vete, Luli do të ishte para kryeministrisë, do kërkonte të bënte banjo dielli nga vapa.
Do ëndërronte ato fotografitë e mia e do thoshte ka pasur të drejtë i shkreti.”
Gjithashtu, kreu i PS-së përmendi premtimet e Bashës, duke thënë se janë të pamundura të mbahen, përndryshe borxhi shkon në 100%.
“Për të marrë atë që do, Luli është i gatshëm të premtojë çdo gjë. Nëse i thoni ke votën tonë, por na krijo një lidhje me të vdekurit, ai do thotë: Do krijojmë një lidhje teknologjike që t’ua mundësojmë.
Si mund t’u thuash njerëzve do bëj pensionin 250 mijë lekë? Si mund t’ua thuash? Mirë këtë, po do u japë bukë Luli. Ushqim falas thotë në shkolla e çerdhe, por si? Si? Po t’i biesh lapsit, borxhi shkon 100%.
Voto PS-në, ke edhe PD-në, numrin 2″, përfundoi Rama./ Tirana Today
