Gjatë vizitës në SHBA, Rama po zhvillon një bashkëbisedim në Këshillin e Atlantikut për metodologjinë e re të integrimit europian, Shengenin Rajonal, paketën anti-KÇK, kryesimin e OSBE dhe rindërtimin. Ai ka folur për politikën përçarëse në të cilën po kalon Shqipëria, duke theksuar se pavarësisht kësaj, kemi bërë shumë hapa para.
“Washingtoni na e ka kaluar përsa i përket politikës përçarëse. Të paktën nuk jemi më vetëm. Ka qenë një ditë intensive me takime, kështu që faleminderit. Do të thoja që në këtë moment kemi shumë për të shkëmbyer, për shkak të sfidave të përbashkëta.
Jemi mjaft të vetëdijshëm ndërkohë që kemi marr një rrisk të përbashkët me SHBA, për të shpëtuar njerëz, jeta e të cilëve kërcënohet. Nuk është vetëm kjo, është edhe rajoni. Ne e dimë mjaft mirë që Ballkani është një vend perëndimor falë SHBA. Sigurisht nuk jemi ku duhet dhe ku mund të jemi, se ka shumë çështje për tu zgjidhur. Ne kemi mbështetje te miqtë tani. Si vend jemi në pozitë shumë të mirë. Po të kthehemi pas 30 vjetësh, është e pamundur të themi ku kemi arritur”, tha Rama.
