Kryeministri Edi Rama ka vizituar sot konviktet e Inxhinierisë së Ndërtimit, ku ka parë ambientet e brendshme si dhe godinat tek të cilat po punohet dhe që pritet të jenë gati në muajin shkurt.
Gjatë vizitës, kryeministri është takuar me studente të shumta, të cilat i kanë folur për ndryshimin e qartë të këtij konvikti me konviktet e vjetra, ku kushtet kanë qenë të mjerueshme.
Teksa publikon videon në faqen e tij në Facebook, Rama u drejtohet studentëve, të cilëve u thotë se plani për përmirësimin e kushteve në konvikte ka nisur të zbatohet kohë më parë.
“Në kantierin e konvikteve të Inxhinierisë së Ndërtimit Rezidencat A/B/C dhe D, ku falë marrëveshjes me qeverinë gjermane, 1080 studentë do të akomodohen në kushte optimale, brenda muajit mars? Atyre që e kanë shkruar pikën 1 të 8 kërkesave të studentëve, u them se plani ynë për përmirësimin e kushteve në konvikte, ka nisur të zbatohet kohë më parë?Por nga ana tjetër, kjo pikë e artikuluar së fundmi, si një kërkesë e studentëve, është një shtysë e nevojshme për të ecur më shpejt”, shkruan Rama në Facebook.
