Militantët e PD-së kanë vijuar protestën e tyre në rrethrrotullimin e Bradasheshit në Elbasan.
Filliimisht ata kanë nisur me disa tymuese, dhe më pas i kanë vënë flakën disa gomave.
Një nga protestuesit, i cili mbante në dorë një shishe birrë, ka shtyrë me këmbë një nga gomat, të cilat do të digjeshin.
Të pranishëm kanë qenë dhe dy ish-deputetë të PD, Luçiano Boçi dhe Endri Hasa.
Sikundër ishte paralajmëruar, opozita ka nisur protestën duke bllokuar disa akse të rëndësishme kombëtare. Qindra qytetarë kanë dalë në rrugë, për të kërkuar largimin e Edi Ramës dhe krijimin e një qeverie tranzitore.
