Ish-deputeti i Partisë Demokratike, Edi Paloka, ka komentuar situatën e krijuar mëngjesin e sotëm në Devoll, ku mbështetësit e Partisë Demokratike dhe LSI-së protestuan para bashkisë, lidhur me konstituimin e këshillit bashkiak.
Përmes një postimi në Facebook, Paloka shprehet se ky vendim i kryeministrit Rama është i njëjtë me atë të grabitësve që hyjnë në shtëpinë e tjetrit për të grabitur.
Sipas ish-deputetit demokrat, jo opozita, por raporti i OSBE-ODIHR ka bërë të qartë se 30 qershori është ligjërisht nul dhe vendimin e Presidentit për të zhvilluar zgjedhjet vendore më 13 tetor mund ta ndryshojë vetëm Gjykata Kushtetuese.
Reagimi i Palokës:
Pershendetje per qytetaret e Devollit qe sot nuk lejuan dhunimin e bashkise se tyre nga nje bande qe kerkon ta uzurpoje!
Ky ishte nje akt i qarte qytetarie, perballe barbarise kriminale te bandes qe kerkon me kembengulje dhe dhune te coje deri ne fund nje proces antiligjor dhe antikushtetues, pjelle e cmendurise se nje kryeministri qe ka vendosur ta trajtoje vendin si prone te tij private dhe shqiptaret si skllever.
Tanime jo opozita, por raporti i OSBE-ODIHR e madje dhe deklaratat e atyre qe ka qejf ti tunde Rama here pas here, kane bere te qarte se 30 qershori eshte ligjerisht nul qe pas dekretimit nga Presidenti i 13 tetorit dhe kete mund ta ndryshoje vetem nje vendim i Gjykates Kushtetuese.
Ne keto kushte, akti qe ka kerkuar te kryejë sot Rama me banden e tij ne Devoll, apo qe do te synoje te realizoje dhe ne raste te tjera, eshte i njejte me ate te grabitesve qe hyjne ne shtepine e tjetrit per te grabitur. E njejte duhet te jete dhe pergjigja e qytetareve, si ndaj grabitesit qe te ka hyre ne shtepi per te te dhunuar e grabitur!
