Kryeministri Edi Rama ka zhvilluar një takim me studentë dhe pedagogë të fakultetit të Gjeologjikut këtë mbrëmje.
Rama me anë të një postimi në rrjetin social “Twitter”, deklaron se zhvilloi seancën e parë të dialogut me studentë dhe pedagogëve të Gjeologjikut duke shtuar se vazhdojnë sërish nesër.
Shefi i qeverisë shkruan se ka mësuar gjëra të reja nga studentët e pedagogët dhe ata e kuptuan ku e ka hallin ai vetë.
“Faleminderit për mikpritjen grupit të studentëve dhe pedagogëve të Gjeologjikut, me të cilët patëm një bashkëbisedim të dobishëm për Dialogun(e në fakt zhvilluam vetë Dialogun). Mësova gjëra të reja prej tyre, mbase edhe ata e kuptuan mirë se ku e kam hallin unë. Nesër vazhdojmë”, shkroi Rama në një shënim në Twitter.
