Koha shëron plagë, rrëzon mure, ngre ura, shuan mosmarrëveshje. Kryeministri Rama vijon të flasë me shumë vlerësim për paraardhësin e tij në krye të PS-së, Fatos Nano, pas takimit të djeshëm mes këtyre dy drejtuesve të PS-së në 26 vjet histori të saj.
Ndërsa foli për objektivat e partisë së tij me synimin e qartë për të qeverisur e vetme edhe për një tjetër mandat 4-vjeçar, Rama iu referua një shprehjeje të Nanos gjatw takimit të mbrëmshëm.
“Shpresoj që të kemi mundësi që të vijmë në korrik për të bërë një takim më konkret pune pas zgjedhjeve dhe shpresoj shumë që t’ia dalim në zgjedhje dhe në fakt Fatosi e tha bukur mbrëmë nuk është punë timoni, po destinacioni.Ai është edhe shoferi i sprovuar dhe i ka të gjithë ingredientët e nevojshëm të eksperiencës dhe të teknikës së dhënies së makinës për të kuptuar se nuk është qëllim në vetvete”, citoi Rama Nanon, gjatë bashkëbisedimit me operatorët turistik dhe banorë të Kavajës e Golemit.
