Kryeministri Edi Rama ka folur troç në emisionin “Zonë e Lirë”, duke treguar se çfarë qëndron në konfliktin mes tij dhe presidentit Meta.
Teksa e akuzoi këtë të fundit se po sillet si kryetar i LSI-së, Rama tha se presidenti Meta po përdor zyrën e tij për t’i hedhur benzinë një zjarri që po tentohet të ndizet në Shqipëri dhe Kosovë, për të ushqyer një konspiracion të madh sikur vetë Rama dhe Thaçi duan të shesin Kosovën.
Fjala e Ramës:
Ilir Meta po sillet si kryetar i Lëvizjes Socialiste për Integrim në ditët e vetë më të këqija.
Nqs Ilir Meta kërkon të sillet si kryetar i pozitës, ai mund ta bëjë por unë kam borxhin për t’ua thënë shqiptarëve. Votat për shkarkimin e Metës nuk i kam, prandaj ai bën si të dojë. Ilir Meta ka qenë sa Cakaj kur shqiptarët e kanë mbajtur si kryeministër dhe nuk ka rëndësi.
Jam i shqetësuar për faktin se presidenti përdor në mënyrë abuzive zyrën e tij për të goditur qeverinë, por më shumë se kaq për t’i hedhur benzinë një zjarri që po tentohet të ndizet në Shqipëri dhe në Kosovë. Ky djalë i ri që goditet sepse është aq i pastër sa s’ka ca i thonë fare, po përdorin teorinë se unë dhe presidenti i Kosovës dashkemi të shesim Kosovën./ TIRANA TODAY
