Kryeministri ka firmosur emërimin e Arjan Bylykbashit në postin e drejtorit të ri teknik të Zyrës Qendrore të Regjistrimit të Pasurive të Paluajtshme.
Lajmi konfirmohet për “BalkanWeb” nga burime zyrtare pranë ekzekutivit. Arjan Bylykbashi zëvendëson në këtë detyrë, Ilirjan Muhon. Para vitit 2013, ai ka mbajtur detyrën e drejtorit të Zyrës së Përmbarimit në Tiranë.
Dy ditë më parë kryeministri Edi Rama firmosi edhe emrin e Ibrahim Morinës në postin e drejtorit të ALUIZNI-t duke zëvendësuar kështu Artan Lamen.
Ndërkohë, javën e kaluar Rama refuzoi emrat e Arjan Hoxhës dhe Benard Çaushit për postin e Drejtorit të Përgjithshëm të Burgjeve si edhe emrin e Haki Mustafës në postin e drejtorit të OSHEE.
