Për kryeministrin Edi Rama, është e papranueshme diferencimi që Bashkimi Europian i bëri Ballkanit për marrjen e vaksinave anti-covid.
Megjithatë, kreu i qeverisë shprehet se vendi ynë nuk ka ngelur mbrapa.
Ai bën me dije se është dakordësuar në parim me kompaninë Pfizer, për të nisur vaksinimin në muajin janar.
”I papranueshëm moralisht, polikisht, logjikisht diferencimi që BE-ja i bëri Ballkanit po ia dolëm sidoqoftë me diplomaci e me këmbëngulje të mos mbetemi mbrapa askujt. Dhe nuk do të ndalemi deri në sigurimin e dozës së fundit. Fjalët mbrapsht atyre që vazhduan me sharje e akuza!
Në kushtet skajshmërisht të vështira si pasojë e kërkesës globale marramendëse dhe sasisë ende tejet të vogël të prodhimit, kemi dakordësuar në parim pas kontaktesh intensive nga të katër anët, tekstin e marrëveshjes me Pfizer për të nisur vaksinimin në janar!’’, shkruan Rama në rrjetin social, Twitter.
I papranueshëm moralisht, polikisht, logjikisht diferencimi që BE-ja i bëri Ballkanit po ia dolëm sidoqoftë me diplomaci e me këmbëngulje të mos mbetemi mbrapa askujt. Dhe nuk do të ndalemi deri në sigurimin e dozës së fundit. Fjalët mbrapsht atyre që vazhduan me sharje e akuza!
— Edi Rama (@ediramaal) December 30, 2020
