Kryeministri Edi Rama dhe kreu demokrat, Lulzim Basha uruan sot gjithë myslimanët shqiptarë në ditën e parë të muajit të Ramazanit.
Kryeministri e ka shoqëruar urimin e tij në Facebook me një fotografi të Xhamisë së Gjin Aleksit në Delvinë.
“Ju uroj të gjithë besimtarëve myslimanë gëzuar Muajin e Ramazanit, me këtë foto të Xhamisë së Gjin Aleksit në Delvinë.
Ky monument kulture i ndërtuar rreth viteve 1600, xhami e njohur për sistemin e përkryer akustik dhe gërshetimin e kulturës vendase me atë post-bizantine e otomane, po i nënshtrohet për herë të parë restaurimit të plotë falë bashkëpunimit të shkëlqyer të Ministrisë së Kulturës me Komunitetin Mysliman të Shqipërisë. Agjërim të lehtë!”, uron Rama.
Edhe Basha ka uruar Ramazanin nëpërmjet Facebook, ku shkruan;
“Në nisje të muajit të sakrificës, shpresës dhe ngadhnjimit, nga zemra ju uroj të gjithë besimtarve myslimanë, agjërim të mbarë, të lehtë e të pranuar!”
Sot është dita e parë e muajit më tëv rëndësishëm në kalendarin islam. 30 ditët e argjërimit finalizohen mefestën e Fiter Bajramit, që këtë vit është më 25 qershor.
