Editorial - Opinione

Rama duhet t’i kërkojë falje Kosovës, por jo për Cakajn

               Publikuar në : 22:05 - 10/01/19 lm

Nga Flamur Vezaj/ Kryeministri Edi Rama duhet t’i kërkojë falje Kosovës, pse nuk ia kërkoi mikut të tij Sandrit, të tregojë varret e mijëra të zhdukurve nga lufta e Kosovës!

Kryeministri Rama duhet t’i kërkojë falje Kosovës, pse nuk ia mbushi mendjen mikut të tij Sandrit, që të kërkojë falje për krimet e qeverisë serbe në Kosovë!

Kryeministri Rama duhet t’i kërkojë falje Kosovës, që për 5 vite e kusur në krye të Shqipërisë nuk loboj tek ndonjë shtet për njohjen e Kosovës!

Kryeministri Rama duhet t’i kërkojë falje Kosovës, për moskrijimin e Ambasadave dhe Konsullatave të përbashkëta me Kosovën në disa shtete!

Kryeministri Rama duhet t’i kërkojë falje Kosovës, për mos lobimin e shtetit shqiptar që Kosova të pranohet në UNESCO!

Kryeministri Rama duhet t’i kërkojë falje Kosovës, për mos lobimin që Kosova të pranohet në INTERPOL!

Kryeministri Rama duhet t’i kërkojë falje Kosovës, për dështimin e njohjes se Lahutës si pjese e trashëgimisë shqiptare në UNESCO e jo te lejonte serbet ta regjistronin si te tyren!

Kryeministri Rama duhet t’i kërkojë falje Kosovës, për dhënien e çelësit të Tiranës një këngëtari serb qe ishte frymëzim i çetnikeve!

Kryeministri Rama duhet t’i kërkojë falje Kosovës, për vendosjen e taksës në Rrugën e Kombit!

Kryeministri Rama duhet t’i kërkojë falje Kosovës, për kufirin fizike mes dy shteteve!

Kryeministri Rama duhet t’i kërkojë falje Kosovës, për mos ndryshimin e ligjit për shtetësitë, që t’i lehtësojë procedurat për shqiptarët e Kosovës dhe jo të trajtohen njëlloj si kinezet!

Kryeministri Rama duhet t’i kërkojë falje Kosovës, për mungesën e tregtisë së lirë mes dy vendeve!

Kryeministri Rama duhet t’i kërkojë falje Kosovës, për këshilltarët e tij të lidhur me shërbimin sekret serb!

….Etj etj….dhe jo ti kërkoj falje Kosovës për emërimin e një ministri te tij adoleshent! Boll se na shpifët me këtë lloj patriotizmi.

Kthehu