Kryeministri Edi Rama, në takimin elektoral që u mbajt në qytetin e Sarandës i bëri një paralajmërim të gjithë partive të vogla se ato to të mbyten pas zgjedhjeve të 25 qershorit nga dallga kuq e zi e detit të Partisë Socialiste.
“Le të bëjnë shantazhe ndaj pleqve e ndaj njerëzve të pa mundur, deti kuq e zi do ti marrë përpara të gjithë ata që nuk e kanë lënë deri tani që të bëhet shtet. Të mos kemi nevojë që të shtrimë dorën që të bëjmë koalicione. Partia Socialiste nuk është e pa gabueshme apo e përsosur. Nuk kam as më të voglin shqetësim apo problem për më shumë pushtet për veten. Minoriteti nuk ëndërron vetë karrigen e Vangjel Dules”, tha Rama.
Gjithashtu Rama tha se “Vetëm PS mund t`ia ngrejë kokën lartë vendit tonë. Shqipëria do të jetë shumë më e mirë se kjo që kemi sot në katër vitet e ardhshme. Në ketë rrugë ne kemi dalë për të ndalë bindjen tonë. Por është e mjaftueshme që të kuptojë se më 25 qershor duhet të jemi bashkë ose kthehemi mbrapa dhe humbasim shume atë që kemi arritur. Humbasin ata që kanë fëmijët një shkollë dhe shohin që sistemi përmirësohet dita ditës. Humbasin mësuesit, policët, fermerët dhe të moshuarit në qofte se nuk votojnë për Partinë Socialiste. Do të heqim TVSH për inputet bujqësore.
Vërtet kemi ende për të bërë por kemi bërë të mundur që të shikojmë ta hapet porta e drejtësisë me zbatimin e plotë te reformës në drejtësi duke e nisur me pastrimin e pallatit të drejtësisë nga gjykatësit dhe prokurorët e korruptuar. Gjithashtu duam që të hapim.”
Gjithashtu, Rama lexoi një letër në publik që ia kishte dhënë një burrë i moshuar. Në letër ishte shkruar rreth mënyrës se si punon kryetari i bashkisë së Delvinës. Ai denoncon se kryetari ka punësuar të gjithë fisin në bashki dhe u ka dhënë tenderë familjarëve të tij.
