Kryeministri Edi Rama bëri me dije se sot është çelur gara për një projekt të infrastrukturës rrugore.
Bëhet fjalë për segmentin Milot-Fier, pjesë e Korridorit Adriatiko-Jonian, që sipas Kreut të Qeverisë pritet që t’i shtohet hartës së infrastrukturës rrugore të Shqipërisë.
“115 kilometrat e këtij segmenti do të përshkruhen për 75 minuta, në një rrugë me standardet më të larta e cila do të lehtësojë jo vetëm qarkullimin e brendshëm, por edhe bashkëpunimin rajonal dhe europian të transportit”, pohon Rama.
“Sot ne jemi shumë krenarë të themi që kushdo nga kompanitë e mëdha që janë të interesuar të investojnë në Ballkan… ka një kërkesë nga Shqipëria.
Jemi besimplotë se shumë shpejt do ta nisim këtë punë.
Pas 3 vitesh aty do të kemi standardin evropian që nuk do kesh frikë nëse të del një makinë apo lopë apo dele. Do mbërrini në destinacion pa asnjë pengesë, në normalitet”, vijoi kryeministri.
