Sikundër është njoftuar këto dy ditët e fundit përmes reklamave dhe postimeve të ndryshme në rrjetet sociale, kryeministri Rama do të jetë i ftuar tek emisioni i Ermal Mamaqit.
Nuk kishte si të ndodhte ndryshe, ku video-reklama e publikuar nga moderatori, ka nxitur mjaft reagime në rrjetet sociale.
Kjo për faktin se kryeministri shfaqet si një aktor, ku shihet dhe në pjesë mjaft intime të përditshmërisë së tij, si në shtëpi, në dhomën e gjumit apo dhe në dush. Është pedagogu Endri Shabani, ku duke shfrytëzuar këtë rast, ka bërë një krahasim midis asaj që bëjnë programet televizive në Amerikë, dhe asaj që bën media me politikën në vendin tonë.
“Në Amerikë, publiku blen bileta për të parë komedianët që tallen me presidentin.
Në Shqipëri, kryeministri blen komedianët për tu tallur me publikun”, shkruan ai, bashkëngjitur një fotoje që e ka ndarë me ndjekësit në Facebook.
