Fondacioni Shqiptaro–Amerikan për Zhvillim (AADF) në bashkëpunim me Ministrinë e Arsimit, Sportit dhe Rinisë organizon aktivitetin “AADF Partneri Strategjik në Arsim”. I pranishëm ishte dhe kryeministri Edi Rama ku gjatë fjalës së tij tha, se sot arsimi është i ndarë nga politika dhe mësuesit nuk mund të blihen.
“Mësuesit nuk janë më në trysni nga politika. Voto për mua. Edhe pse ka ende për të bërë, pasi ka drejtorë dhe nëndrejtorë që nuk janë më për atë punë. Shkolla e drejtorëve është një burim dije që nuk ka të paguar. Shkollën e kemi ndarë nga politika nga niveli i mësuesve. Shkolla e Drejtorëve nuk do të jetë një metodologji me trajnimet më të mira, me metodologjitë më të mira”, tha kryeministri, Rama.
Djali i një ministri, vajza e një deputeti nuk e parakalon dot kurrë dalin e një çobani në mal, apo vajzën e një familje në fshat, nëse këta të dytën kanë rezultate të mira, nuk i kalon dot njeri.
Nga Izraeli do të marrim një pjesë të rëndësishme të kësaj ideje, sepse kjo është një praktikë e konsoliduar në atë vend. Vendi me mungesën më të madhe të gjithë burimeve natyrore, s’ka ujë, s’ka naftë, s’ka minerale, por i ka gjetur burimet e pasurisë duke investuar tek dija. Është shumë e mirëseardhur edhe pjesa tjetër e programit që lidhet me provimet”.
“Vendet nuk dallohen nga njëri-tjetri si rezultat e asaj që kanë, por asaj që dinë. Unë bëj shpesh krahasimin mes Shqipërisë dhe Izraelit, ata nuk kanë ujë, ne jemi vendi i dytë më i pasur në Evropë. Por ata kanë sistemin më ekselent në botë, ndërsa ne ujin e kemi pasur problemin më të madh. Baza e dijes është shkolla. Pavarësisht atyre që mund të thuhen sot për atë që ne kemi bërë në këto 5 vite për shkollën, transformimi i sistemit tonë arsimor ka nisur nga rrënjët dhe po shtrihet në të gjithë hapësirën e këtij sistemi. Ka shumë për të përmirësuar, ka ende boshllëqe e të meta, si pasojë e të shkuarës, që janë aktive, por shkolla nuk ka vend për krahasim me atë të 5 viteve më parë. Tashmë, rekrutimi i mësuesve nuk është i lidhur me politikën që zhvillohet në interes të partive”, tha Rama.
Më tej, Kryeministri pranoi se drejtorët e nëndrejtorët e shkollave janë ende të varur nga politika dhe për këtë tha se “Shkolla e Drejtorëve” do t’i japë fund.
“Shkolla e drejtorëve është një burim dije që nuk ka të paguar. Shkollën e kemi ndarë nga politika nga niveli i mësuesve, por nuk e kemi ndarë shkollën nga politika nga emërimi i drejtorëve dhe nëndrejtorëve. Shkolla e Drejtorëve nuk do të jetë një metodologji me trajnimet më të mirë, me metodologjitë më të mira”, tha Rama.
