Kryeministri Edi Rama në një prononcim për median foli për gjendjen aktuale të përmbytjeve ku ia hodhi fajin qeverisë teknike. Ai tha së gjithçka që ndodhi është faj i shkelësve të ligjit me masakrën që ka ndodhur në Llogara por qeveria do të shtrëngojë shumë fort edhe legjislacionin dhe nuk do të falin askënd që do të lozi me këtë pasuri, sepse përfituan nga qeveria teknike vjet.
“Ju gazetarët e Vlorës që jeni balli i kazanit të padurimit, edhe ju e shikoni vetë këtë punë dhe nuk keni çarë të thoni.
Perfekt nuk ka, por për shembull ajo që ndodhi lart në zonën lart në Llogara, edhe aluvioni që erdhi poshtë dhe preku një fushë aty të basketbollit, nuk e di çfarë inati kanë me basketbollin janë rezultat i gërryerjeve dhe djegieve që u bënë gjatë verës.
Ne kemi filluar që tani të marrim masa për verën e ardhshme, do shtrëngojmë shumë fort edhe legjislacionin dhe nuk do falim askënd që do lozi me këtë pasuri, sepse përfituan nga qeveria teknike vjet,” tha kryeministri Rama.
