Aeroporti i Kukësit do të hapet në muajin prill. Lajmin e ka bërë të ditur kryeministri Edi Rama në emisonin Real Story.
Rama ironizoi me faktin se do vijnë 130 kuksianë nga Anglia për të votuar Partinë Demokratike.
Ndër të tjera, Rama u shpreh se kontrata për aeroportin e Vlorës do të mbyllet brenda disa javësh, teksa informoi se në aeroportin ”Nënë Tereza”, do të investohet rreth 100 milionë euro nga kompania shqiptare.
Edi Rama: ”Aeroporti i Kukësit do të hapet në muajin prill. Siç e kam premtuar edhe më herët do të vijnë 130 çuna anglie të cilët kanë shpenzuar shuëm energji për tu tallur e për të më kritikuar mua që kur kam postuar në Facebook planin, projektin, etj. Kështu që do t’i sjell 130 vota partisë Demokratike nga Anglia.
Kontrata për aeroplortin e Vlorës mbyllet për disa javë. Ka ndodhur një ngjarje e rëndëisshme për qytetarët. Në aeroportin “Nënë Tereza” kemi negociuar një kontratë shumë të favorshme me një kompani shqiptare e cila largoi kinezët. Do të investojë afro 100 milionë euro, duke filluar nga pista, që nuk u bë kurrë nga kinezët, nga terminali dy dhe shërbime të tjera.”
