Masat e ndërmara për mos infektimin nga koronavirusi, kanë qënë mjaft drastike nga shteti shqiptar. Shqiptarët sapo panë se në Itali nisën të shtoheshin rastet me të infektuar me virusin vdekjeprurës, menjëherë iu drejtuan farmacive për të blerë maskat, dorashkat dhe xhelin e duarve. Ka nga ata të cilët në vend të xhelit përdorin alkoolin. Por sa efektive është?
Këtë kureshtje na e ka shuar mjeku Pëllumb Pipero. I ftuar në emision “Open” në Top Channel, ai ka qetësuar qytetarët, duke treguar se cilët janë më të rriskuar dhe u ka dhënë këshillën që të qëndrojnë në shtëpi. Pipero këshilloi qytetarët që të përdorin alkoolin xhel, apo alkoolin dezinfektues në farmaci. Kjo sepse alkooli i farmacisë ka një fortësi prej 60% dhe nuk e lë virusin të zhvillohet, ose e mund për pak minuta. Pas kësaj të lani duart me ujë dhe sapun.
Në qoftë se pi duhan, a jam më i rriskuar?
Faktet janë kokëfortë në Kinë. Janë 76% e të prekurve meshkuj, të cilët shumica pinë duhan. Duhani është faktor i rëndësishëm në komplikimin e sëmundjes.
Jam një grua shtatzënë, sa mundësi kam të infektohem?
Ashtu si çdo person tjetër, jeni të rriskuar për tu infektuar. Por faktet tregojnë që gratë shtatzëna dhe gratë e tjera në përgjithësi, e kalojnë infektimin pa manifestuar simptoma.
Në një autobus me 40 veta, ku dy janë të infektuar, sa prej udhëtarëve mund të jenë infektuar?
Pjesa me e madhe e udhëtarëve.
A është dezinfektues i mirë rakia?
Unë do të këshilloja alkoolin xhel, apo alkoolin dezinfektues në farmaci. Kjo sepse alkooli i farmacisë ka një fortësi prej 60% dhe nuk e lë virusin të zhvillohet, ose e mund për pak minuta. Pas kësaj të lani duart me ujë dhe sapun.
