Zv.ministrja e Shëndetësisë dhe Mbrojtjes Sociale, Mira Rakacolli deklaroi se personat që kanë kaluar Covid-19, përjetojnë simptoma, të cilat lënë pasoja në shëndetin mendor dhe të frymëmarrjes.
Deklarata e Rakacollit, u bë ditën e sotme, në një intervistë për Report Tv. Ajo u shpreh se sistemi shëndetësor po i kthehet pak nga pak normalitetit dhe se në vendin tonë nuk ka shenja të virusit indian.
Mira Rakacolli: ”Bota është akoma përpara të panjohurës, që COVID ndikon në shumë sisteme ndikon, dhe që lë pasoja po shihet gjithnjë e më tepër, ato që kanë kaluar nuk janë si më parë, përjetojnë simptoma që duken që janë lidhur me COVID, ka lënë shumë pasojë në shëndetin mendor dhe të frymëmarrjes. Flitet shumë, për pasoja që lë në sistemin nervor, që kalojnë si hije, si mjegull, apo kujtesë të shkurtër, por shëndetin mendor mund të jetë edhe një reaksion nga sëmundja e shekullit apo të përballjes me humbje apo vuajtje të njerëzve të dashur.
Përballja me vuajtjet të lë pasoja dhe mjekët nuk janë më njësoj, janë përballur me njerëz që shohin shpresën vetëm të ti. Të fiken njerëz në duar nuk është e vogël dhe nuk kalon prap pasoja në shpirtin tënd, akoma nuk mund t’i gëzohen kësaj situatë. Sistemi shëndetësor po i kthehet normalitet, janë mbyllur pavijonet në spitalet e tjera, po trajtohen vetëm në Infektiv, po pandemia nuk ka mbaruar, virusi vijon të jetë. Nuk ka dyshime klinike për variantin indian të COVID.”
Situata epidemiologjike në vend
Në 24 orët e fundit, janë regjistruar 8 raste të reja me Covid-19, nga 3.375 testime të kryera. Rastet pozitive të konfirmuara janë identifikuar në këto bashki: nga 2 raste në Tiranë, Kuçovë, nga 1 rast në Shkodër, Durrës, Lezhë, Has.
Ndërkohë, një 73-vjeçar nga Tirana nuk e ka fituar dot betejën me sëmundjen. Po në 24 orët e fundit, janë shëruar edhe 14 pacientë, teksa raste aktive mbeten 136.
Statistika (15 Qershor 2021)
Raste të reja ditore 8
Të shëruar në 24 orë 14
Të shtruar në spitale 19
Humbje jete në 24 orë 1
Testime ditore 3,375
Testime totale 762,976
Raste pozitive 132,469
Raste të shëruara 129,879
Raste Aktive 136
Humbje jete 2,454
Shpërndarja gjeografike e rasteve aktive sipas qarqeve:
Shkodër 43
Tiranë 37
Berat 17
Durrës 11
Lezhë 7
Elbasan 6
Gjirokastër 6
Korçë 3
Dibër 3
Fier 2
Kukës 1
