Ish-oficeri i Antidrogës, Dritan Zagani, ka shprehur qëndrimin e tij lidhur me lajmin e publikuar në televizionin shtetëror italian RAI 3, ku thuhej se kultivimi i kanabisit është rritur me 1200%. Sipas reportazhit, në vendin tonë, kultivimi i kanabisit ka njohur rritje nga viti në vit. “Është rritur me 1200% ose 12 herë mbjellja e kanabisit”, thuhet në kronikën që sjell edhe disa foto nga ajri të Guardia di Finanza në një raport të rezervuar të policisë.
Përkundrejt këtij burimi, Zagani shkruan me ironi se Shqipëria mbetet në pritje të një përgënjeshtrimi zyrtar nga autoritetet përkatëse italiane. Duke mbajtur të njëjtën lojë, ai shton më tej se “partnerët italianë do përgënjeshtrojnë lajmin që publikoi në pabesi një nga gazetarët me të vlerësuar italian për fushën e gazetarisë investigative..!”.
Statusi
Policia që duam pasi shkruan me copy-past materialin e Fugsit ne faqen e Policise se Shtetit, nga fundi i shton kete paragrafin ketu…..!!!
“Duke e garantuar opinionin publik shqiptar se Policia e Shtetit ka vijuar pa lëkundje dhe do të vijojë vendosmërisht luftën kundër krimit e trafiqeve, për ta bërë Shqipërinë një vend me nivele gjithnjë e më pranë mesatares europiane në aspektin e statistikave të kriminalitetit të çdo lloji, ne mbetemi në pritje të një përgënjeshtrimi zyrtar nga autoritetet përkatëse italiane, të cilave përfitojmë nga rasti t’u shprehim konsideratën tonë më të lartë për mbështetjen dhe bashkëpunimin në luftën kundër krimit, ku pastrimi i Shqipërisë nga fenomeni i kultivimit masiv të kanabisit është tanimë një histori e certifikuar suksesi.”
Tani që lexova këtë kam parasysh që sonte me siguri partnerët italianë do përgënjeshtrojnë lajmin që publikoi në pabesi një nga gazetarët me të vlerësuar italian për fushën e gazetarisë investigative..!
Kam bindjen dhe po pres me ankth qe sonte të kete një përgjigje të saktë lidhur me këtë.
