Naftëtarët e Ballshit dhe të Fierit po kalojnë një situatë të vështirë, pasi kompania që kishte në përdorim rafineritë e ARMOS, është larguar duke lënë borxhe dhe një pasiguri totale tek 1200 naftëtarë. Pavarësisht premtimeve të qeverisë, naftëtarët vijojnë të mos trajtohen me statusin e tyre, ndërsa kushtet e punës janë jashtë çdo standardi. Pak kohë më parë, biznesmeni amerikan njoftoi largimin nga Shqipëria, ndërsa pranoi se gjendja e ARMOS është shumë e rëndë.
Nuk është hera e parë që naftëtarët kanë qenë të braktisur nga qeveria, për shkak të marrëveshjeve me kompani, ku interesi dhe të drejtat e punonjësit janë përfillë shumë pak nga ndërmarrjet përkatëse. Këtë e kanë bërë publike vetë naftëtarët, të cilët në një protestë të mbajtur para uzinës së Ballshit për statusin e naftëtarit dhe rinisjes së punës.
Ndërsa mësohet se tre kompani të tjera kanë shfaqur interes për aktivitetin, por kjo është një dëshirë e vështirë pasi i duhet të shlyejnë të gjithë detyrime e prapambetura ndaj punonjësve dhe naftëtarëve. Kompania Ionian Refining & Trading Company, IRTC SHA, ka lënë në baltë naftëtarët pasi ende nuk kanë marrë paratë për punën e kryer. Ata prej muajsh nuk janë paguar, çka lind dyshimin se kompania është arratisur duke lënë pas një mal me probleme.
“Ramë dakord me zëvendës.ministrin të përshpejtojë procedurën për rifillimin e uzinës në punë, për të gjetur biznesmenë të fuqishëm. Janë afruar tre biznesmenë, tani është në dorë të qeverisë dhe të bankës që e ka këtë me vendim gjykate. Pronari iku përfundimisht, e dorëzoi. Do ti marrë detyrimet ai që do të vijë”-janë shprehur naftëtarët.
Në mbështetje për plotësimin e kërkesave do të jetë edhe Konfederata e Sindikatave.
“Nëse ju i bini njëri gozhdës dhe tjetri patkoit, nuk bëni gjë tjetër veçse përshpejtoni vdekjen tuaj ekonomike. Ju lutem më dëgjoni, jam këtu në mbështetje me urdhër të Presidentit të Konferderatës së Shqipërisë”-shprehen ata.
“Ne do të ndjekim të gjitha rrugët ligjore që kjo uzinë të jetë edhe njëherë në dispozicionin tuaj”-shprehen ata. Sakaq, në uzinën e përpunimit të naftës në Ballsh aktualisht janë në punë reparti elektrik, stacioni i pompave dhe ai zjarrfikës.
