Manchester City ka fituar derbin e javës në Premier Liga ndaj Tottenham Hotspur me rezultat të thellë 4-1. Skuadra e Pep Guardiolas ka vazhduar serinë e fitoreve dhe ndeshjeve pa humbje në duke rritur epërsinë nga vendi i dytë me 14 pikë. Ndeshja nisi me dominimin e Qytetarëve, të cilët shumë shpejt gjetën edhe golin e avantazhit me anë të Ilkay Gundogan, i cili shënoi me kokë në minutën e 14-të. Në vazhdim të pjesës së parë City dominoi në sulm por nuk arritën ti finalizojnë rastet e krijuara në portë.
Pjesa e dytë nisi përsëri furishëm për skuadrën e Guardiolas, duke arritur të shënojnë edhe tre gola të tjerë për të arritur një fitore të madhe. Ishte Kevin de Bruyne, i cili shënoi golin e dytë në minutën e 70-të pas një aksioni të mirë, ku u asistua nga Gundogan. Në fund të ndeshjes ishte anglezi Raheem Sterling, i cili arriti t’i shënoj dy gola, në minutën e 80-të pas asistimit të Leroy Sane, ndërsa tjetri erdhi në minutën e 90-të.
Christian Eriksen që shënoi golin e nderit për mysafirët në fundin e takimit për ta mbyllur ndeshjen 4-1. Pas kësaj fitore, City vazhdon kryesimin me 52 pikë, ndërsa Tottenhami renditet në vendin e gjashtë me 31 pikë. Në ndeshjen e ardhshme, City pret Bournemouthin, ndërsa Gjelat udhëtojnë drejt Burnley.
