Gjatë ditëve të fundit, situata në pikën kufitare të Kakavijës ka qenë kaotike. Për shkak të rregullave dhe kufizimeve të vendosura nga qeveria greke, u krijuan radhë automjetesh deri në 25 km. Mbrëmë, pas negociatave të qeverisë shqiptare me palën e greke, u arrit marrëveshje që kufiri të mos mbyllej orën 22:00, por të punohej edhe gjatës natës.
Nga ora 00:00 e natës deri në 06:00 të mëngjesit, kanë kaluar 700 qytetarë dhe 300 makina.
Nga 16 gushti e në vijim, në Kakavijë e Kapshticë do të punohet me rregullat të reja. Nga pika kufitare e Kakavijës do kenë mundësi të kalojnë 750 persona në ditë, ndërsa nga ajo e Kapshticës vetëm 300 persona në ditë, në fashën orare 06:00 deri në orën 22:00.
Njoftimi
Njohja e informacionit të duhur për lëvizjet në pikat hyrëse e dalëse me Greqinë është thelbësore për të gjithë qytetarët që po kalojnë orë pritje në pikat kufitare. Agjencia Kombëtare për Mbrojtjen Civile, përmes efektivëve të FA po informon në vazhdimësi secilin qytetar në Kakavijë e Kapshticë se:
?Nga data 16.08.2020 ora 06:00 deri në orën 22:00, nëpërmjet Kakavijës do lejohen të hyjnë në Greqi vetëm 750 shtetas çdo ditë, ndërsa nga Kapshtica vetëm 300 shtetas çdo ditë.
?Gjithashtu duhet edhe të kenë rezultuar negativë ndaj COVID-19.
?Qytetarët do të njoftohen në të gjitha format për masat e reja, edhe në terren aty ku janë në radhë.
I bëjmë sërish thirrje të gjithë bashkëatdhetarëve, që të ndërgjegjësohen për respektimin e informacionit të mësipërm, pasi me ritmet që po kryhen procedurat e po kalojnë qytetarët, është e pamundur të kalojnë kufirin para hyrjes në fuqi të regjimit të ri, nga i cili na ndajnë pak orë.
