Ka vijuar dhe ditën e sotme protesta e qytetarëve të cilët qëndrojnë të palëkundur përballë kërkesave të tyre, lirimin e të arrestuarve.
Ata janë mbledhur sërish përpara ambienteve të Drejtorisë së Policisë së Tiranës, protestës së tyre i janë bashkuar dhe deputetët e Partisë Demokratike, të cilit i kanë ofruar mbështetje për familjarët e të arrestuarve.
Klevis Balliu u shpreh se të ndaluarit nuk e kanë shkelur ligjin.
“Ka qenë një tubim i qytetarëve të Kukësit për një interes kombëtar. Kjo parti ka një problem historik me Rrugën e Kombit, sot vazhdojnë me trashëgiminë e tyre komuniste për të bllokuar rrugën që është për bashkëpunimin e shqiptarëve me kosovarët. Këto arrestime janë arrestime politike të një mentaliteti komunist. Ky është i vetmi kryeministër që rrogat i jep me lekë dhe i takson me euro”.
Duke vijuar më tej, Balliu shton: “Unë kam qenë vetë në Kukës dhe ka pasur provokime nga policia e Shtetit në Kukës, siç po kërkon edhe këtu të bëjmë një hap prapa”.
