Nesër sërish para Kryeministrisë do të protestohet për rritjen e çmimeve. Protesta nisi rreth orës 11:00 të paradites së sotme, me një mbledhje të qytetarëve te sheshi Skënderbej të cilët marshuan drejt Kryeministrisë.
Pas më shumë se dy orë e gjysmë, ata u drejtuan për tek Policia e Tiranës me thirrjen për liruar protestuesit e arrestuar në protestat e ditëve të kaluara.
Ata kanë paralajmëruar sërish protestë para Kryeministrisë ditën e nesërme, po në orën 11:00.
Protestuesit kanë kërkuar vazhdimisht me thirrje lirimin e të arrestuarve në tre ditët e para të protestave masive që janë shtrirë në të gjithë Shqipërinë.
