Gjatë një sondazhi të bërë në Maqedoni lidhur me nismën qeveritare për përmirësimin e marrëdhënieve me Greqinë, rezulton se 57% e qytetarëve e mbëstesin këtë nismë, ndërsa 23% nuk e mbështesin.
60% e të pyeturve të tjerë mendojnë se është shumë me rëndësi që menjëherë të zgjidhet çështja e emrit, ndërsa15% konsiderojnë se kjo nuk është e rëndësishme. 49% mendojnë se çështja do të zgjidhet shumë shpejtë, kurse 42% mendojnë se çështja e emrit do të zgjidhet deri në fund të vitit 2018.
Këto të dhëna dalin nga hulumtimi i Institutit për hulumtime politike në Shkup, i realizuar në periudhën nga 16 e deri më 21 dhjetor të vitit të kaluar.
Në pyetësor janë përgjigjur 1113 persona. 47% e të pyeturve nuk do të pranonin që të ndryshohet emri kushtetues për përdorim ndërkombëtar në shkëmbim të anëtarësimit në BE dhe në NATO. 38,2% do të pranonin një ndryshim të tillë.
53% mendojnë se pa ndryshimin e emrit nuk mund të pranohet Maqedonia në BE dhe në NATO, kurse 27% mendojnë se ka një mundësi të tillë.
