Përkujtimi i 1 Majit është bërë në mënyra të ndryshme. Në fakt, shumica e shqiptarëve kanë zgjedhur thjesht të pushojnë, ndërsa të paktë janë ata që kanë dalë për të protestuar në Ditën Ndërkombëtare të Punëtorëve.
Disa qytetarë nga Elbasani, studentë dhe punëtorë kanë protestuar, duke kërkuar që të respektohen të drejtat e tyre në punë.
Aktiviteti sensibilizues u zhvillua nga Lëvizja Rinore Egjiptiane dhe Rome në Elbasan, të cilës iu bashkuan disa familjarë e studentë të papunë.
Ata mbanin në duar disa pankarta, ku shkruhej:
“Të harruar nga shteti, të shtypur nga shefi”, “Prej 10 vitesh punëkërkues”, “Stop diskriminimit në punë” etj., teksa shprehen se kjo nuk është një ditë feste, por dita kur duhen kërkuar të drejtat e tyre.
