Autori i programit “Këndo këngën time”, Ardit Roshi, në puntatën e fundit të spektaklit i propozi për martesë Blerina Bajkos, vajzës së Agim Bajkos. Ky gjest ishte i papritur, e ndërsa surprizoi këdo. Një skenë që dha emocione të forta.
Gjatë intervistës, Rudina Dembacaj e ka pyetur se kush ishte në prapaskenën e të gjithë kësaj surprize kaq të bukur. Ardit Roshi tha se gjithçka ishte spontane, dhe se në skenë ishin vetëm 3 miqtë e tyre.
“Askush, se po të kërkoja ndihmë, qoftë nga mami Jeta, qoftë nga mami Alba, ndihmë, kushedi se çfarë do kishin bërë. Thirra vetëm 3 miqtë tanë shumë të mirë, që të ishin në studio dhe e dinin vetëm regisori, drejtori i fotografisë dhe orkestra që duheshin, pjesa tjetër zero.
Gjeta unazën, vendosa mënyrën, duke njohur dhe Blerinën a do i pëlqente apo jo dhe fatmirësisht kisha të drejtë. Ishim në Pallatin e Sportit sepse vëllai i Blerinës kishte ndeshje dhe në një moment që Blerina u largua, ja tregova unazën mami Albës, dhe ajo tha: “Qyqa çuno, po a je i sigurt?”. Sigurisht i thashë, se rrall herë të vijnë këto mundësi në derë”.
