Gazetari Elton Qyno ka dhënë detaje të reja në lidhje me ekzekutimin e Endri Mustafës, të ndodhur ditën e djeshme në Shkodër.
I ftuar në emisionin ”Open”, Qyno u shpreh se Mustafa njihej në Shkodër edhe si simpatrizant i hipizmit, dhe në atë zonë ku u ekzekutua, është vrarë edhe biznesmeni Arjan Ferracaku në vitin 2018.
Sipas Qynos, në mopmentin e ekzekutimit të Ferracakut, Mustafa ndodhej me të mbi kalë, por ka shpëtuar.
Elton Qyno: Viktima njihej në Shkodër edhe si simpatizanti i hipizmit. Në zonën e Livades ku është vrarë, është vrarë dhe Arjan Ferracaku që ishte shok i Endri Mustafës. Kur është ekzekutuar, Endri Mustafa ka qenë me të në kalë dhe kur është ekzekutuar, ka qenë me të por ka shpëtuar. Prandaj ka qenë një kod se ai njihte autorët. Ishte personazh që kishte kaluar në sitën e prokurorisë dhe policisë dhe mund të ketë thënë diçka.
Trupi i pajetë i Mustafës është gjetur paraditen e djeshme në zonën e Livadheve në Shkodër, tri ditë pasi familja kishte dhënë alarmin për zhdukjen e tij. I riu, i cili kishte marrë plumba në gojë, gjoks dhe kokë, njihet nga Policia e Shkodrës për përfshirjen në një sërë ngjarjesh kriminale që prej vitit 2009 kur ishte dënuar për plagosje.
