Kryeministri grek Alexis Tsipras ndodhet në vështirësi politike për qeverinë e tij pas manifestimit gjigand në Athinë kundër akordit me Shkupin për emrin, ku ruhet termi “Maqedonia”.
Lideri i opozitës, Kyriakos Mitsotakis, e ka konsideruar manifestimin si një “lëvizje kundër qeverisë”.
Por Kryeministri Alexis Tsipras sulmoi rivalin e tij duke e cilësuar si “pa alternativë dhe vizon”.
“Shumica e popullir grek, pa dallim nga qëndrimet politike mendon se çështjet e politikës së jashtme nuk mund të zgjidhen nëpërmjet intolerancës dhe fanatizmit”, tha Tsipras.
Në manifestimin e madh që u zhvillua në sheshin Syntagma-s, morën pjesë mbi 1 milionë persona, ndër të cilët edhe ikona e së majtës greke, kompozitori i famshëm, Mikis Teodorakis, shtëpia e të cilit u shkatërrua pas vendimit të tij për të protestuar.
Qeveria e Tsipras ndodhet pa një mazhorancë në Kuvend, ku partia e djathtë që ka bërë aleancë me Syriza-n ka deklaruar se nuk do të japë “Ok” për marrëveshjet me Shkupin dhe Tiranën.
