Reprezaljet e politikave të qeverisë me skemat fiskale aspak lehtësuese ndaj bizneseve, ka detyruar shumë persona të regjistruar si persona fizikë të mbyllin aktivitetin e tyre, pasi kanë rezultuar me humbje të mëdha.
Viti 2017, në bazë të të dhënave raportohet se ka një trend shumë negativ, pasi mijëra biznese kanë ulur qepenat si rezultat i presioneve nga organet tatimore dhe kontrolleve të vazhdueshme. Pavarësisht premtimeve të qeverisë, se skemat ndaj bizneseve sidomos të atyre të regjistruar si persona fizikë do të lehtësohen, kjo rezulton të jetë një nismë e dështuar e qeverisë dhe një premtim i pa mbajtur.
Fenomeni i mbylljes së bizneseve, por krijon vështirësitë e vazhdueshme ç’ka shton nivelin e mosbesimit në bizneset shqiptare. Viti 2017 ka shënuar një trend negativ për veprimtarinë e bizneseve. Sipas të dhënave, rreth 13 mijë biznese kanë kaluar në statusin pasiv, për shkak të veprimtarisë jo të mirë gjatë kësaj periudhe.
Mbi bazën e kësaj janë mbyllur rreth 50 biznese në ditë gjatë vitit 2017. Ndërsa në lidhje me vendet ku janë mbyllur këto biznese janë në Tiranë me mbi 4000, në qytetin e Durrësit janë mbyllur 1,900 subjekte, ndërsa në Vlorë, Fier dhe Elbasan janë mbyllur përkatësisht 1,085, 802, 673.
“Pjesa më e madhe e bizneseve të mbyllura janë persona fizikë, të vetëpunësuar, që kishin hapur subjektet me emrat e tyre. Biznese të tilla, kryesisht në tregti me pakicë, hapen dhe mbyllen vazhdimisht, teksa konkurrenca nga rrjetet e organizuara të tregtisë po shtohen ndjeshëm. Lokalet janë një tjetër kategori që falimentojnë vazhdimisht”-shkruan Monitor.
Në krahasim me një vit më parë, numri i subjekteve që kanë kaluar në status pasiv ka rënë ndjeshëm. Po sipas tatimeve, në 2016-n rezultojnë që u mbyllën mbi 23 mijë biznese, ku vetëm në datën 6 maj kaluan në status pasiv rreth 9700 subjekte (të hapura para rreth një dekade dhe që ishin pa aktivitet.
