Ditët që lamë pas ishin një kohë relaksi për klasën politike. Orët që do të vijnë, do të detyrojnë ata që të ‘përveshin mëngët’, për të rinisur aty ku e lanë punën e tyre. Jo të gjithë i kanë shijuar deri në maksimum pushimet. Kryeministri Rama ka qenë një ndër ato personazhe që ka ndarë me të gjithë ndjekësit, çdo detaj të pushimeve, madje edhe pikturat e Zahos. Debatet në rrjetet sociale kanë qënë një anë e medaljes, për të cilën Rama e shumë të tjerë nuk kanë qëndruar në heshtje.
Mësohet se kryeministri Rama do të mbledhë qeverinë këtë të premte në Vlorë, për të mbyllur analizën e punës. Rama i ka thirrur ministrat dhe kabinetet e tyre në një mbledhje informale parapërgatitore këtë të premte, në qytetin e Vlorës. Mbledhja në fjalë, e cila do të jetë dy-ditore, do të përmbyllë punën analitike të nisur më 25 korrik, me kompaninë e Tony Blair.
‘Report TV’ mësohet se kompania e ish-kryeministrit britanik po ndihmon qeverinë shqiptare, për të mbyllur bilancin e këtij viti politik e qeverisës, si dhe për të përcaktuar objektivat për 300 ditëshin e dytë.
Mbledhjen e së premtes nuk do të ketë vendimmarrje nga ana e kryeministrit nëse do të ketë ose jo ndryshime ne qeveri në shtator, sikundërse ka paralajmëruar.
https://tiranatoday.com/tronditet-administrata-4-drejtues-te-rendesishem-pritet-te-largohen/
Këtë vendim kryeministri pritet ta marrë javën e ardhshme, dhe ta shpallë në mbledhjen e Asamblesë Kombëtare të PS-së, e cila do të mblidhet ditët e para të shtatorit, datë e cila nuk është vendosur.
Në këtë mbledhje, Rama do të shprehet nëse do të ndryshojë apo jo ministrat e tij, si dhe do të shpallë mobilizimin total për përballjen me zgjedhjet lokale në maj 2019.
