Në Greqi është formuar qeveria e re, e dalë pas zgjedhjeve të parakohshme. Kryeministri Kyriakos Mitsotakis, ka formuar menjëherë qeverinë. Një nga reformat e kësaj qeverie të re është edhe shkrirja e Ministrisë së Emigracionit. Ky dikaster tashmë nuk ekziston më në shetin grek, pasi ka kaluar nën Ministrinë e Mbrojtjes.
Nuk dihet se çfarë ndikimi do të ketë një gjë e tillë tek emigrantët. Por në mediat fqinje është raportuar se reformim të ngjashëm kanë pësuar edhe ministri të tjera.
Kyriakos Mitsotakis, lideri i partisë së qendrës së djathtë “Demokracia e Re” që triumfoi bindshëm ndaj forcës qeveritare “Syriza”, ka marrë mandatin për të drejtuar ekzekutivin e ri pas betimit si kryeministër në Presidencën helene.
Mitsotakis është përqendruar në programin e tij elektoral kryesisht në ripërtëritjen ekonomike, duke premtuar uljen e taksave, tërheqjen e investimeve të huaja dhe krijimin e vendeve të reja të punës.
