Kryetari i PD-së, Lulzim Basha, ka nisur takimin me aleatët e tij për të firmosur një marrëveshje për krijimin e një koalicioni opozitar. Në takim veç Bashës, janë edhe Sekretari i Përgjithshëm i PD-së, Gazment Bardhi, të dy të mandatuar nga Këshilli Kombëtar i PD-së për hartimin e një marrëveshjeje, e cila ka për synim përcaktimin e elementëve bazë për zhvillimin e zgjedhjeve të lira dhe të ndershme dhe më kryesorja, krijimi i një qeverie tranzitore.
Në marrëveshjen që do të duhet të marrë dakordësinë e të gjithë aleatëve opozitarë do të përcaktohen edhe afatet që opozita sugjeron për funksionimin e qeverisë tranzitore. Disa nga partitë nënshkruese janë: LSI, PR, LZHK, PBDNJ, PAA, PDK, PDIU.
Nënshkrimi i parë i kësaj marrëveshje është mes Partisë Demokratike dhe asaj Republikane, ku ishte kreu i saj Fatmir Mediu që ka firmosur bashkëpunimin.
