Blogeri i famshëm Nuseir Yassin, i njohur si Nas Daily ka mbërritur në Shqipëri. Një ditë më parë, takimit ai ka postuar një video në “Facebook”, ku shkruan:
Përqendrimi më i lartë i kafeneve për kokë-banori në botë … dhe jo Starbucks!
“Mire se erdhët në…… Ky është një nga vendet më pak të njohura të Evropës. Por, gjatë ditëve të fundit, unë shpresoj të jem në gjendje t’ju tregoj ngjyrat e vërteta të këtij vendi! Qëndroni me ne! Faleminderit të gjithëve që u bashkuat me mua në një ditë pune! Dhe faleminderit Arbërit nga “Fundjavë Ndryshe”, për ndihmën dhe orientimin! INSTAGRAM: @NASDAILY GRUPI: Nas Daily Global”.
Këtij postimi ai i ka bashkangjitur edhe një video mjaft interesante. Me titra në video shkruhet:
“Unë nuk pi kafe, por sapo kam arritur në vendin e saj, Shqipëri! Ky vend i vogël në brigjet e Evropës nuk prodhon kafe. Por ky është vendi me numrin më të madh të dyqaneve të kafesë për numër popullsie.
Këtu, në çdo cep që shkon ka një lokal kafeje. Nga 18, 000 prej tyre, i bie 1 dyqan për 169 njerëz dhe asnjë prej tyre nuk janë Starbucks.
Ju mund të blini kafe për tërë klasën, por pa e “thyer” bankën. Jo, unë do të paguaj, jo t’i nuk do të paguash! Ju jeni mysafiri ynë! Shqipëria është një vend mikpritës që ka vuajtur nga diktatura dhe varfëria për shumë e shumë vite”./TIRANA TODAY/
