Kryeministri Edi Rama e ka nisur ditën me publikimin e rastit të Drijonës, studentes ekselente e cila pati mundësinë të punësohej në administratën publike.
“Mirëmëngjesi, dhe me Drijonën, studenten ekselente që falë Paktit për Universitetin, sot i është bashkuar administratës publike, si edhe me vendosmërinë për të bërë edhe më shumë, teksa qentë lehin më fort, ju uroj një ditë të mbarë”, shkruan kryeministri Rama bashkëngjitur videos.
Drijona është diplomuar në fakultetin e Drejtësisë, ndërsa në videon e publikuar shprehet se ajo aplikoi online me qëllimin që të përfitonte një përvojë një vjeçare.
“Në përfundim të kësaj përvoje kualifikuese pata mundësi që të aplikoj për pranim në shërbimin civil dhe tashmë jap pjesë e administratës publike si nëpunëse civile. Përzgjedhja ka qenë krejtësisht transparente”, shprehet Drijona.
