Dy shtetas shqiptarë dhe një italian janë arrestuar në flagrancë, pasi akuzohen për “mbajtje pa leje të municioneve” dhe “trafikim të lëndëve narkotike”.
Shqiptari Rodeo Sinjari qëlloi veten aksidentalisht teksa rregullonte armën e tij me silenciator në garazhin e vilës Aurelia. Gjatë kontrollit të kësaj banese, policia italiane ka zbuluar edhe 5.3 kilogramë marijuanë dhe 134 municione.
Konfirmimi ka ardhur gjatë marrjes në pyetje në Spitalin Corona në Pietra Ligure, ku shqiptari po merr mjekimin e duhur dhe njëkohësisht ruhet nga policia. Para hetuesit Fiorenza Giorgi, Sinjari ka shpjeguar se nuk ka patur asnjë sulm (siç kishte thënë fillimisht për të larguar policinë në kontrollin e garazhit), por është plagosur aksidentalisht.
Gjithashtu në pranga kanë përfunduar edhe dy të tjerë, 48-vjeçari Mauro Silvestri, kopshtar i vjetër dhe shqiptari Nelson Pisha, 34 vjeç. Që të dy i morën në pyetje nga policia, ku italiane ka mbrojtur veten duke thënë se “çelësat e kutisë dhe furgonit të tij ia kishte dhënë Pishës, ndihmësit të tij në kopshtari, por që nuk ishte në dijeni të pistoletës, municioneve dhe lëndëve narkotike”.
Në fund të hetimeve, gjyqtari Giorgi ka lënë të lirë Silvestri-n, ndërsa ka dhënë masat e sigurisë “Arrest shtëpie” për Pishën dhe “Arrest me burg” për Sinjarin. Për këtë të fundit avokati i tij kërkoj “Arrest shtëpie”, por u rrëzua nga gjyqtari.
Aktualisht Rodeo Sinjari ndodhet në spital nën kujdesin e mjekëve, por më pas do të transferohet në burg. /TIRANA TODAY/
