Një 25-vjeçar nga Fieri është arrestuar pasi dje në orën 13:30 ka qëlluar me shishe molotov godinën e Kryeministrisë.
I riu është arrestuar nga policia, ndërsa mësohet se e ka pranuar krimin. 25-vjeçari është shprehur se e ka kryer këtë veprim pasi shteti nuk ia ka zgjidhur hallin. Nuk dihet me saktësi motivi i hakmarrjes së të riut, ndërsa fatmirësisht nga shpërthimi nuk ka pasur të lënduar.
NJOFTIMI
Më datë 24.07.2017, u arrestua në flagrancë shtetasi A. P. 25 vjeç, banues në Fier, sepse në orën 13:30, në bulevardin “Dëshmorët e Kombit”, përpara Kryeministrisë, ka hedhur një shishe me lëngë ndezëse, e cila ka shpërthyer po pa shkaktuar probleme në njerëz. Neni 154 i kodit penal.
