Një person i pajetë, i identifikuar si Alban Kaloshi, ka mbërritur mëngjesin e sotëm në spitalin e Dibrës.
Nga të dhënat e para dyshohet se 42-vjeçari është qëlluar me armë zjarri, ndërsa është dërguar në spital nga dy persona të paidentifikuar, të cilët më pas janë larguar nga spitali.
Nuk dihet nëse kemi të bëjmë me një vrasje apo ngjarje aksidentale, ndërsa po hetohet për zbardhjen e rrethanave.
Njoftimi i policisë
Me datë 22.09.2017, rreth orës 03.30 të mëngjesit në Sallën Operative të Drejtorisë Vendore të Policisë Dibër ka ardhur një telefonatë nga urgjenca e Spitalit Rajonal se ka ardhur i vrarë me armë zjarri shtetasi Alban (Gëzim) Kaloshi, 42 vjeç, banues në fshatin Blliçe, Bashkia Dibër.
Menjëherë ka shkuar Grupi hetimor ku ka rezultuar se:
Dy persona ende të pa identifikuar nga Policia kanë çuar në urgjencën e spitalit pa shenja jete shtetasin A.K, dhe janë larguar pa u identifikuar në urgjencën e spitalit.
Nga kqyrja paraprake e bërë nga eksperti mjeko ligjor rezulton që viktima të jetë goditur me një plumb në kraharor. Janë ende të pa qarta rrethanat e ngjarjes, kemi të bejmë me vrasje apo ngjarje aksidentale.
Grupi hetimor po punon për zbardhjen e ngjarjes. Janë shoqëruar disa persona që kanë qenë të shoqëruar me viktimën në orë te ndryshme të mbrëmjes së djeshme. Po bëhet kqyrja e telefonit të viktimës
Si dhe po punohet për identifikimin dhe shoqërimin e personave që kanë çuar në spital viktimën.
