Starti i një garë me motorë në parkun e Donington, në Britaninë e Madhe gjatë garave amatore të ThundersportGB, për pak sa nuk u kthye në tragjedi. Në të janë përfshirë pesë pilotë dhe e gjitha ndodhi pasi njëri prej tyre pati probleme me motorin, pasi nuk iu ndez. Por më pas u sulmua brutalisht nga prapa duke rënë përtokë pa ndenja.
Megjithatë, ka qenë e shpejtë ndërhyrja e shërbimeve mjekësore që pengoi aksidentin e tmerrshëm që të përfundonte në një tragjedi të vërtetë. Sipas informacioneve të publikuara nga vetë organizata “ThundersportGB”, pesë pilotët e përfshirë janë jashtë rrezikut për jetën, teksa kanë marrë disa lëndime në trup.
Vetë organizata ka kërkuar që pamjet të publikohen dhe të bëhen virale në rrjet dhe jo vetëm në shenjë sensibilizimi për shoferët e tjerë që të praktikohen mirë në start, pasi kanë bërë disa ndryshime në sistemin e transmisionit të motorit.
Është pikërisht ajo që ndodhi me Adrianin, pilotin që u përfshi në aksident, i cili nuk ka pasur mundësinë për të testuar raportin e ri të shpejtësisë që ai kishte instaluar në motorin e tij, për fat të mirë shpëtoi mrekullisht.
