Zjarret e rëna në stinën e nxehtë të sezonit veror, në kurorën e gjelbër në kodrat e qytetit të Laçit, duket se nuk kanë vëmendjen e institucioneve. Pamjet të shoqërojnë, përgjatë rrugës deri në Kishën e Shna Ndout, janë vërtetë të mjerueshme nga pasojat e zjarreve, ndërsa pelegrinët shprehin indinjatën nga mosinteresimi i strukturave, në zëvendësimin me fidanë të rinj, aty ku janë shkrumbuar nga djegia. Si asnjëherë tjetër kurora e gjelbër na Laç nuk ka provuar të tilla dëme, nga zjarret, ndaj dhe pelegrinët shprehin indinjatën e thellë nga kjo gjendje. Një i moshuar nga Kurbini ka bërë apel qytetarëve për nismën ” çdo qytetar i Kurbinit të mbjellë nga një fidan, ndërsa disa të rinj nga Tirana të cilët kanë vizituar vendin e shenjtë, janë bashkuar nismës, duke premtuar se do të japin kontributin e tyre në mbjelljen e fidanëve.
Kodrat e qytetit të Laçit, janë tërësisht me gjelbërim në çdo stinë, duke i dhënë këtij qytetit, panoramë fantastike, ndërsa dëmet nga zjarret janë pallogaritshme. Përballë këtij fakti, institucionet janë treguar sehirxhinj, po harrojnë se një pasuri e madhe Kombëtare, si kjo e kurorës së gjelbër në Laç, kërkon vëmendje./Ahmet Zani, Tirana Today
