Sot në Komisionin e Reformës Zgjedhore u diskutua drafti që parashikon burgosjen e personave që shesin dhe blejnë votën.
Deputetja e opozitës parlamentare, Rudina Hajdari deklaroi se do të ndëshkohen të gjitha ata që abuzojnë me shit-blerjen e votës.
“Çdokush që tenton të vjedhë votën jo thjesht do ndiqet penalisht por do gjehet mekanizmi që ai të shkojë në burg, kjo do ngrejë llogaridhënien. Ky takim ishte për të shqyrtuar këtë kërkesë që ka ardhur nga BE që ne të ndëshkojmë ata që abuzojnë me shit-blerjen e votës”, tha Hajdari.
E pyetur nëse në zgjedhjet e ardhshme parlamentare do të garojë nën siglën e ndonjë subjekti politik aktual apo me parti të re, Hajdari tha: “E rëndësishme është të krijojmë kushtet për të gjithë jo për Rudinën”.
